රාජස්ථාන් රෝයල්ස් කණ්ඩායම නියෝජනය කරමින් මෙවර ඉන්දීය ප්රිමියර් ලීග් (IPL 2026) තරගාවලියේදී අතිවිශේෂ දක්ෂතා දක්වන 15 හැවිරිදි වෛභව් සූර්යවංශිට එරෙහිව නීතිමය පියවර ගන්නා බවට සමාජ ක්රියාකාරිකයෙකු වන සී.එම්. ශිවකුමාර් නායක් අනතුරු අඟවා තිබෙනවා.
බාල වයස්කරුවෙකු මෙවැනි මහා පරිමාණ ලීගයක ක්රීඩා කිරීමට ඉඩ ලබාදීමෙන් IPL පාලක මණ්ඩලය නීති උල්ලංඝනය කර ඇති බවට ඔහු චෝදනා කරන අතර, මෙය එක්තරා ආකාරයක “ළමා ශ්රමය සූරාකෑමක්” බව ඔහු පවසනවා
සූර්යවංශි ක්රීඩා කරනවා වෙනුවට තම අධ්යාපනය කෙරෙහි අවධානය යොමු කළ යුතු බව පවසන නායක්, මේ සම්බන්ධයෙන් FIR වාර්තාවක් ගොනු කිරීමට සූදානම් වන බව දන්වා තිබෙනවා.
කෙසේ වෙතත්, නීතියට අනුව වයස අවුරුදු 14-18 අතර පසුවන්නන්ට අවදානම් රහිත අංශවල සේවය කිරීමට අවසර ඇති අතර, ක්රීඩා කටයුතු මෙම නීතිමය සීමාවන්ගෙන් නිදහස් කර තිබීම විශේෂත්වයක්.
මෙවැනි විවේචන මධ්යයේ වුවද, සූර්යවංශි ක්රිකට් ලොව කැළඹීමට සමත් වී ඇත්තේ විස්සයි-20 ඉතිහාසයේ ලකුණු 1,000 සම්පූර්ණ කළ ලාබාලම සහ වේගවත්ම ක්රීඩකයා බවට පත්වෙමින්.
සන්රයිසර්ස් හයිද්රාබාද් කණ්ඩායමට එරෙහිව පන්දු 36කින් සිය ශතකය සම්පූර්ණ කළ ඔහු, ජස්ප්රිට් බුම්රා සහ ට්රෙන්ට් බෝල්ට් වැනි ලොව ප්රමුඛ පෙළේ පන්දු යවන්නන්ට ද දැඩි ප්රහාර එල්ල කර තිබෙනවා.
පසුගියදා පාකිස්තාන ක්රිකට් විශේෂඥයෙකු වන නවුමාන් නියාස් විසින් සූර්යවංශි වැඩි ශක්තියක් ජනනය කිරීම සඳහා AI චිපයක් භාවිත කරන බවට ද චෝදනා කර තිබුණා.
එනමුදු ඔහුගේ දක්ෂතා සැලකිල්ලට ගත් ඉන්දීය තේරීම් කමිටුව, ලබන ජූනි-ජූලි මාසවල පැවැත්වෙන අයර්ලන්ත සංචාරය සඳහා නම් කළ විස්සයි-20 සංචිතයේ මූලික ලැයිස්තුවට ද ඔහුගේ නම ඇතුළත් කර ඇත.
ආණ්ඩුවේ යාන්ත්රණයන් පිළිබඳව සහ පද්ධතියේ වෙනසක් පිළිබඳව ජනතාව නගන විවේචන මධ්යයේ, මෙවැනි සුවිශේෂී තරුණ දක්ෂතා ආරක්ෂා කර ගැනීම ක්රිකට් ලෝකයේ අවධානයට ලක්ව ඇති කරුණක්.
